Iaorana da Tahiti !

Iaorana ensiamen !

Jeu haiel puspei novitads per vus :)

Naven dils 12 entochen ils 31 da fenadur 2010 sun jeu stada a Tahiti. Per 3 jamnas haiel jeu habitau tier la familia da Niuhiti. Jeu enconuschel Niuhiti da Vanuatu. Nus havein frequentau ensemen la scola TLS a Vanuatu (Transformational Leadership Seminar - Seminari da transformaziun per menaders).

A Tahiti havein nus passentau in bien, mobein era pretensius (herausfordernd) temps ensemen.

Jeu, Hine e Niuhiti

La familia da Niuhiti ein aschiiiiiiii cars!

Alain, il bab da Niuhiti, fa la megliera salata da pèsch criu.

Heiteahiti, la sora pintga, maglia cunzun ils egls ed il tschurvi dil pèsch... delizius :)

La casa dalla familia da Niuhiti ei gest sper la mar. Ils squagls pigns da circa dus entochen treis meters vegnan entochen alla riva...

Diu ha veramein fatg ina miracla en quella familia. Alain (bab da Niuhiti) era dependents pèr biars onns digl alcohol e la droga. Duront che sia dunna ed ils affons eran persuls a casa, era el bia cun ses collegs e bueva e fimava. Ils affons havevan "mo" la mumma, il bab era mai dentuorn. La situaziun ha purtau bia blessuras pèr l'entira familia.
Mo la mumma Nony ha mai dau si la speronza, ella ha fatg fetg bia oraziun per siu um.

Ed oz ei l'entira familia plain plascher e speronza. Alain ei complet libers dalla dependenza (Sucht) digl alcohol e las drogas. Alain ha acceptau Jesus en sia veta. E Diu ha madegau el dad in di sin l'auter.

Ses affons e sia dunna han siu pardunar. Ed oz ei la familia Neuffer aschi ina gronda glisch e benedicziun per Tahiti!

L'emprema sera havein jeu e Niuhiti priu part ad ina sentupada per las dunnas. Jeu haiel astgau parter mia historia (testamony, sco Diu ha liberau mei da depressiuns e da "Magersucht"), e Niuhiti ha saltau in bi sault. Silsuenter ha ei dau petta e snacks.

Ils Tahitians maglian fetg bugen, e quei buca mo intec :)

Nus havein era entupau Naomi e Steeve. Jeu enconuschel Naomi dall'emprema ga ch'jeu sun stada a Tahiti. Naomi e Steeve han gest frequentau la scola DTS (Discipleship Training School) a New Caledonia. Ussa ei Naomi puspei anavos a Tahiti, ed ella less veser la Naziun da Tahiti transformada per la Gloria da Diu.

Ed il cool Steeve... jeu enconuschel el digl onn vargau ch'jeu sun stada a Lifou/New Caledonia. Quei ei aschi genial co Diu ha menau nossas vias puspei ensemen!

Quater Tahitians ein gest partir a New Caledonia per frequentar 6 meins la scola DTS.

Diu fa grondas caussas sin las inslas dil Pacific!

Naomi, Steeve, Niuhiti e jeu


Era havein nus passentau bials temps cun ils collegs dalla Niuhiti. La gronda part dad els crai ch'ei dat in Diu. Denton la relaziun d'amur cun nies car Bab maunca...

Diu ei in Diu d'AMUR! El less simplamein passentar il di cun nus. Sche quei ei duront far il percasa, ni duront dar ballapei, ni duront la lavur, ni sin tualetta, ha ha :) ... Diu less esser cun nus en bials e leghers muments, mobein era en grevs e trests temps. El less prender tei en sia bratscha e struclar tei aschi fetg... che ti sentas e sas con fetg El careza tei!!!

Diu less esser tiu meglier amitg, tiu Bab,... your BEST FRIEND!!!

Aschia ein 3 bialas jamnas vargadas sco da fa nuot :)

Ussa sun puspei anavos ell'Australia. Cheu ei la ferdaglia... brrrr!

Jeu cun ina gruppa vegnin a far ina "Europe Tour" il settember ed igl october 2010.

Per circa 3 jamnas essan nus en Svizzra. Jupi!!!!! Quei ei ina gronda surpresa :)

Dapli informaziuns suondan!!!!!!

Giavischal a vus ina fetg biala e caulda stad!

Vus muncais a mi! Aschia selegrel jeu uuuu fetg da turnar anavos en Svizzra!

Gronda, gronda strocla

Paula

"Gott ist Liebe!" 1 Johannes 4:16

NEWS dalla biala Insla da Vanuatu

G’Day ensiamen!

Uau, co il temps varga aschi spert…

Las davosas 6 jamnas haiel jeu passentau sin la biala Insla Vanuatu. Vanuatu ei ina insla el pacific dil sid, circa 3 uras sgol naven dall’Australia. Vanuatu ha 243.304 habitonts.

Naven dils 4 d’avrel entochen ils 12 da matg 2010 haiel jeu frequentau la scola «Transformational Leadership
Seminar» - «Seminari da transformaziun per menaders».

Quella scola ei in seminari dad instruir giuvens e giuvnas da daventar megliers menaders. Menar (leiten) vul dir „influenzar“. Nus vegnin influenzai dils auters, ed ils auters influenzeschan nus. U nus inspirein nos successurs positiv ni negativ. „Monkey see, Monkey do!“
Mintga jamna havein nus differents temas, sco per exempel: strategias da planisar e pionar novas lavurs; il menader e siu pensum eav.

21 students da diffarentas naziuns han priu part alla scola (Vanuatu, Fiji, New Caledonia, Tahiti, Australia, Canada, America, Africa dil Sid, England, Svizzra).

Jeu haiel passentau in fetg bi ed intensiv temps a Pango, Vanuatu. Pango ei in pign vitg (pli pign che Sedrun) sin l’insla Efate. Efate ei ina dallas 83 inslas che sauda tier Vanuatu. Il vitg ei gest sper la mar.
La glieud da Pango (Ni-Vans) resdan siu lungatg mumma, Bislama (lungatg da Vanuatu) ed engles.
Nus communicain ensemen sin engles.

Il pievel da Vanuatu vivan simpel. Las casas ein normalmain ord “blech”. Far duscha cun aua freida. Cuschinar sin fiug. Lavar il resti a maun. Lavar la vischala cun aua freida. Las vias ein malulivas. eav.

Els han pauc, e tuttina fetg bia. Jeu haiel mai viu in pievel aschi cuntent e plain plascher e speronza da viver.
Els han pauc, e tuttina schanghegian els il meglier ch’els han.
Nus havein astgau habitar en duas dallas pli bialas casas duront quellas 6 jamnas. Las mummas han cuschinau per nus las meglieras spisas e han schanghegiau a nus bials vestgius da sia cultura.

Nus havein buca mo empriu entira massa duront las lecziuns, era havein nus astgau emprender d’enconuscher ina nova cultura. Ils Ni-Vans ein in fetg, fetg cordial pievel e han in grond cor da survir ils auters. Era sche nus essan “alvs”, suenter buca ditg eran nus gia part dalla Ni-Van familia.

Il pli bi ei cura che differentas culturas e naziuns vegnan ensemen. Mintga cultura ha ses agens scazzis. Per exempel; ils Ni-Vans contan e saultan fetg bein, han in cor da survir ils auters ed ein in pievel plein plascher.
Jeu haiel giu bia bunas discussiuns culs indigents e haiel siu emprender entira massa da siu cor generus.

Culs affons havein nus passentau fetg bia temps. Ei para che nus essan sco magnets pils affons.
Nus havein zambergiau, malegiau, dau ballapei e volleyball, e raquinatu historias. Quei temps ei stau per mei fetg custeivels. La raschun ch’jeu lun schon uss fetg encrescher per Vanuatu ein ils pigns Ni-Vans!

Era havein nus passentau bia temps cun la giuventetgna dil YWAM (Youth with a Mission – Giuventetgna cun ina missiun). Biars giuvens e giuvnas frequentan la scola DTS (Discipleship Training School). Quella scola cuozza en tut 6 meins. Ils emprem 3 meins ei lecziuns (To know God – enconuscher Diu), ed ils davos 3 meins ei “Outreach” (To make God known – far enconuschent Diu allas autras naziuns). Duront il temps da lecziuns emprendan ils students diffarents temas che rispundan sin damondas sco per exempel:

Tgi sun jeu ?
Daco vivel jeu ?
Danunder vegnel jeu ?
Tgei vegn suenter la mort ?
Tgei ein mes siemis ?

Il temps da lecziuns ei buca mo teoria, mobein era practicar musica, saults, drama, sports eav.

Silsuenter va ei per 3 meins „Outreach“ en in’autra tiara. Ils students muossan e portan vinavon quei ch’els han empriu duront ils emprem 3 meins. Era segidan els cun la paupra glieud, culs malsauns ed en grevas situaziuns.

Dapli informaziuns: www.ywam.org

Duront la scola TLS, havein nus entschiet a planisar in niev project per l’insla Tahiti. Igl onn 2011 vulain nus entscheiver ina nova scola YWAM (Youth with a Mission) a Tahiti.
Nossa visiun ei: “To see the young generation of Islanders rise up into their God given destiny.”
Igl alcohol e la droga portan enormas difficultads e problems a Tahiti. Biaras giuvnas ein en sparonza, e laien scatschar igl affon (abtreiben). Biars giuvenils han buca lavur eav.
Nus vulain veser transformaziun a Tahiti.
Nossas finamiras:

1. To see the Islands given back to God with the redemption of the culture
2. To see the young generation transformed into warriors on Fire for God
3. To restore their identity in Christ

Cunquei che nies focus ei la pli gronda part ils Surfers ed ils Sportlers, vegn la base/scola ad esser plazada buca liunsch naven dalla mar.
Duas tiaras havein nus gia a disposiziun, mobein buca aunc ils baghetgs.
Igl onn 2011 vegnin nus a planisar e baghegiar la base/scola.
Ed igl onn 2012 ei l’emprema scola “Surf & Sports DTS” (Discipleship Training School) planisada.
Il mument saiel jeu aunc buca dar detagliadas informaziuns. Mobein sche ti has damondas, sesprovel jeu bugen da rispunder.
Jeu selegrel fetg sin quei project, e sun fetg spanegiada da veser tgei che Diu ha planisau per Tahiti.

Dapi ils 20 da matg 2010 sun jeu puspei anavos a Sydney, ell’Australia. Igl ei tut curios da turnar anavos en quei immens marcau da Sydney.
Il vitg da Pango a Vanuatu ei fetg pigns, igl ei bi ruasseivel ed ins auda las bialas ramurs digl ocean.
Il marcau da Sydney ei immens, ei ha bia traffic ed ei ha bia glieud “alva” :) tut curios!

A Sydney vegn jeu probablamein a star ils proxim 2 meins. Nus essan gia vid planisar ed organisar pil project Tahiti.

Co ei va silsuenter vinavon, dun jeu lu part :)
Selegrel sin tias News!

Love you lots and miss you like crazy!!!

Love Paula

YWAM - www.ywam.org
YWAM Island Breeze Sydney - www.ywamibs.org (nova Website!)

Hallo ensiamen!

Finalmein sun arrivada a Brisbane sianter in fetg liung vièdi da 24 uras.

Naven da Turitg a Dubai vai ju giu al cletg, e siu sgular ella classa "Business"... stau pazific!

Per dus dés stun ju uss ain in Backpacker-Hotel a Brisbane. E la sonda sgulel lu vinavaun a Port Vila, Vanuatu.

La dumengia, ils 04.04.2010 entschaiva la scula TLS (Transformational Leadership Seminar = Führungs- & Leiterschaftsseminar), tga cuezza 6 jamnas.

www.lovevanuatu.org/tls.shtml

Biè dals students tga vegnan era a fa quella scula, enconuschel ju schon dal davus onn. Uschèa tgi è quell' glièda intec plé simpel... e ju saleigrel era fetg sén quai tiams.

Ils 14 da matg 2010 vegn ad esser la finiziun dalla TLS.

Nua tga nies car Diu meina mé sianter vinavaun sai aun bé... vegn ad esser ina gronda surpresa :)

Mo tochan lura, giavischel a vus fetg bialas pastgas ad ina biala primavera!

Vai vus tuts fetg ugen!

Gronda strocla da mé :)